Totally a worth full movie

good movie

Ananthan Vijayan

@ananthanvijayan

Aug 24, 2026

🔰Film - Irumudi (2026) 🔰Genre - Action Drama 🔰Language - Telugu ഇരുമുടി എന്ന പേരും പടത്തിലെ രണ്ടു അയ്യപ്പൻ പാട്ടും കേൾക്കുമ്പോൾ ഒരു ഭക്തിപടമായി പലരും തെറ്റിദ്ധരിച്ചു കാണും. എന്നാൽ തെലുങ്ക് റൂറൽ.. വില്ലേജ് ബാക്ഗ്രൗണ്ടിൽ ഒരു മാസ്സ് ആക്ഷൻ പടമാണ് ഇരുമുടി. ഇതിന്റെ കൂടെ അച്ഛനും മകളും തമ്മിലുള്ള ഇമോഷൻ വളരെ മനോഹരമായി സിനിമയിൽ കാണിച്ചിട്ടുണ്ട്. ആക്ഷൻ + ഇമോഷൻ പെർഫെക്റ്റ് ബാലൻസിൽ വന്നാൽ പിന്നെ പറയേണ്ട കാര്യമില്ലല്ലോ.. അതാണ്‌ ബോക്സ് ഓഫീസിൽ കാണുന്നത്. കിടു തിയേറ്റർ എക്സ്പീരിയൻസ് ആണ് പടം നൽകുന്നത്. നരൻ സിനിമയിലെ മുള്ളൻകൊല്ലി വേലായുധനെ പോലൊരു കഥാപാത്രമാണ് ഇതിലെ നായകൻ രാമ കാശു. ഗുണ്ട ഇമേജ് അല്ല, ഒരു കുടുംബസ്ഥൻ ആണ്.നാട്ടിൽ എവിടെ എന്തു തെറ്റ് കണ്ടാലും അത് ചോദിക്കുന്ന, നാട്ടുകാർക്ക് ഇഷ്ടമുള്ള ഒരാൾ.എവിടെ എന്തു നടന്നാലും അത് തന്നോട് പറയണം എന്ന് മകളോട് എപ്പോഴും പറയുന്ന ഒരച്ഛൻ. കാര്യം ആള് നല്ലവൻ ആണേലും വെള്ളമടി ആളുടെ വീക്നെസ് ആണ്. ആകെ മലയ്ക്ക് പോകുന്ന 41 ദിവസമാണ് മദ്യം ഒഴിവാക്കുന്നത്. അതുകൊണ്ട് മലയ്ക്ക് പോകും മുൻപ് ആർക്കൊക്കെ തന്നോട് വിരോധം ഉണ്ടോ അവർക്ക് വേണേൽ പ്രശ്നം തല്ലി തീർക്കാം എന്ന ലൈൻ ആണ്. രവി തേജയുടെ ഈയിടെ റിലീസ് ആയ പടങ്ങളുമായി നോക്കുക ആണേൽ കുറച്ചു Grounded ആയ പെർഫോമൻസ് ആണ് ഇതിൽ. അതിന്റെ കൂടെ അച്ഛൻ മകൾ ഇമോഷൻ വളരെ നന്നായി ഇവർ പറയുന്നുണ്ട്. ഈ പടത്തിന്റെ കോർ ഇമോഷൻ തന്നെ അതാണ്‌. അതിലൂടെയാണ് കഥ മുന്നോട്ട് നീങ്ങുന്നത്. എന്താണ് ആ ഗ്രാമത്തിൽ സംഭവിക്കുന്നത് എന്നൊരു ആകാംക്ഷ നില നിർത്തിയാണ് കഥ നീങ്ങുന്നത്. അതിനിടയിൽ വരുന്ന ആക്ഷൻ സീനുകൾ എല്ലാം മാസ്സ് ആണ്. അല്ലേലും മാസ്സ് മഹാരാജ ആണല്ലോ നായകൻ. അത് ഈ സിനിമയിൽ കൃത്യമാണ്. ഫൈനൽ ആക്ട് ആക്ഷൻ ആയാലും ഇമോഷൻ ആയാലും ഗംഭീരമായ സ്റ്റേജിങ് ആണ്. അത് തന്നെയാണ്‌ പടത്തിന്റെ ഹൈലൈറ്റ്. രവി തേജയുടെയും ബേബി നക്ഷത്രയുടെ പെർഫോമൻസ് ഗംഭീരമായിരുന്നു. അതുപോലെ പ്രിയ ഭവാനി ശങ്കർ ആയാലും സായ് കുമാർ ആയാലും നല്ല പെർഫോമൻസ് ആയിരുന്നു. സ്വാസികയുടെ കഥാപാത്രം നന്നായിരുന്നു. പ്രേക്ഷകർ വെറുക്കുന്ന ഒരു കഥാപാത്രം നന്നായി തന്നെ ചെയ്തിട്ടുണ്ട്. അജയ് ഘോഷ് അടക്കമുള്ള ബാക്കിയുള്ള എല്ലാവരും തന്നെ കൊള്ളാം. ടെക്നിക്കലി കൊള്ളാവുന്ന ഒരു പ്രൊഡകട്ട് ആണ്. മാസ്സ് ആയാലും ഇമോഷൻ ആയാലും ഇടയ്ക്ക് മലയ്ക്ക് പോകുന്ന സീനിലേ ഭക്തി പോർഷൻ പാട്ടുകൾ ആയാലും GVP നന്നായി തന്നെ ചെയ്തിട്ടുണ്ട്. ആക്ഷൻ സീനുകളുടെ സ്റ്റേജിങ് നന്നായിരുന്നു. ഒരു റഫ്നെസ്സ് ഉണ്ടായിരുന്നു. രവി തേജയുടെ സ്ക്രീൻ പ്രെസൻസ്, ആക്ഷൻ ഒക്കെ ആകുമ്പോൾ സെറ്റ് ആണ്. മൊത്തത്തിൽ, നല്ലൊരു സിനിമാറ്റിക് എക്സ്പീരിയൻസ് ആണ് ഇരുമുടി നൽകുന്നത്. ഈ വർഷം തന്നെ ബ്ലോക്ക്ബസ്റ്റർ ആയ ലെനിൻ പോലുള്ള തെലുങ്ക് വില്ലേജ് ആക്ഷൻ പടങ്ങൾ ഇഷ്ടമുള്ളവർക്ക് ഇത് അതുക്കും മേലെ ഇഷ്ടമാകും. കാരണം, സംഭവം ഇറുക്ക്!

great acting it's great come back